الخميس، 27 نوفمبر 2008

عودة الروح للجسد

السلام عليكم ورحمة الله وبركاته ...................
الاخوه والاخوات ......... اولا اشهد الله عز وجل انى احبكم فيه ... وادعو الله عز وجل ان يجمعنا جميعا فى الجنه اجمعين تحت لواء سيد المرسلين وخاتم النبيين ::: محمد بن عبد الله _ صلى الله عليه وسلم :::: ...... وبعد لقد رأيت ان اعنون لرسالتى هذه بهذا العنوان ...ولهو اصدق تشبيه يناسب هذه المدونه واسمها المضىء ....
اخوتى واخواتى فى الله أود أن ابدء.. أولا :: أعرفكم بنفسى ...... انا اخوكم فى الله : ابراهيم محمد .. بكالوريوس تجاره - جامعة الازهر - قسم اقتصاد ... سنى 28 سنه .. من القاهره واحب اشكر الاخت العزيزه جيجى ...ربنا يجازيها كل خير على المجهود اللى بتبذله من أجل الدعوه ونشر الوعى الايجابي .. وأهم حاجه أشكرها على المدونه دى اللى اوكلت مسؤليتها ليا تحت اشرافها واسئل الله العون على أداء تلك الامانه على الوجه الامثل ..........
ثانيا ::: انا اول حاجه فكرت فيها ليه الشباب مكملوش فى المشوار اللى بدئته جيجى على المدونه .... فلقيت ان فى عوامل كتير جدا ممكن تكون السبب ومنها ::: * ظروف العمل مثلا ......
* عدم الحفظ وبالتالى الحرج من الظهور على المدونه
* الامتحانات .. ""بالنسبه للطلبه"" * سيطرة الشيطان على العقول والهائه لاصحابها "" لضعاف النفوس""

واسباب كتيره لكن دى اشهرها
على العموم يا جماعه لسه القطر مافاتش نقدر نجرى ونلحقه قبل مايغادر الرصيف .... فإنّا نفتقدكم جميعا ونحرص كل الحرص على ان نأخذ بأيدى بعضنا البعض الى ان نصل بفضل الله وعونه لرضا مولانا وخالقنا تبارك وتعالى "الم يأن للذين أمنو ان تخشع قلوبهم لذكر الله وما نزل من الحق" .... ان ضياء النفوس هو القرآن ..... شفاء الهموم هو القرآن ........ طمئنينة وسكينة النفس من المخاوف فى القرآن ....... غنى المال والصحة والولد والزوجه والدين ..فى القرآن ..... كل دنيانا واخرانا فى القرآن ................ فهلا اخذنا بايدينا وايدى اخواننا الى جنة القران ................ اخوانى واخواتى فى الله نصف ساعه كل يوم لعمرى افضل من مئات المباريات التى شاهدناها لساعات طوال وانتظرناها قبل موعدها لساعات اطول .......... فى انتظارردودكم ومشاركاتكم
اخوكم ابراهيم

هناك تعليقان (2):

GiGi world يقول...

سلام عليكم
ربنا يكرمك ويعزك ويارب المدونه تعود لها اروح والحياه على ايدحضرتك
طبعا انا اول حد مع حضرتك وانا اللى هبقى تحت ايد حضرتك المهم اننا نحفظ جميعا وشبابا المدونين ياريت بجد يشاركونا
جزاك الله خيرا وربنا يوفقك ويعينك يارب

بستان الحب يقول...

مبادره رائعه تقبل الله منكم واعز بكم الاسلام والمسلمين وجعل هذا العمل فى ميزان الحسنات اعتذر عن تاخيرى فى زيارة المدونه فهذه اول مره اراها