الثلاثاء، 24 مارس، 2009

هااااااااااااااااام جدا للأعضاء

السلام عليكم ورحمة الله وبركاته
الإخوه الأعضاء والأخوات ... أعتذر عن غيابى تلك الفتره الطويه
نظرا لعدم وجود تفاعل من اى من الاعضاء اضطررت للابتعاد لفتره حتى اجد حل يجعل التواصل بين افراد المدونه اسهل واقرب
وفكرت ... ان نقوم بعمل غرفه للقرآن وعلومه على الياهوو أو EYEball حتى تتسنى لنا الفرصه للتواصل بالصوت ايضا مع اعطاء الفرصه لباقى الأفراد بالاستماع والتعليق وكذلك اشراك جانب الالزام معنا وبالتالى لن نترك سبيلا لشياطين النفس على انفسنا ... ....
فى انتظار تعليقاتكم وارائكم وكذلك مقترحاتكم بهذا الشأن ... برجاء الاهتمام والرد حتى ولو كان ردك اخى واختى ... رفضا
الراجى عفو ربه
ابراهيم

الخميس، 27 نوفمبر، 2008

عودة الروح للجسد

السلام عليكم ورحمة الله وبركاته ...................
الاخوه والاخوات ......... اولا اشهد الله عز وجل انى احبكم فيه ... وادعو الله عز وجل ان يجمعنا جميعا فى الجنه اجمعين تحت لواء سيد المرسلين وخاتم النبيين ::: محمد بن عبد الله _ صلى الله عليه وسلم :::: ...... وبعد لقد رأيت ان اعنون لرسالتى هذه بهذا العنوان ...ولهو اصدق تشبيه يناسب هذه المدونه واسمها المضىء ....
اخوتى واخواتى فى الله أود أن ابدء.. أولا :: أعرفكم بنفسى ...... انا اخوكم فى الله : ابراهيم محمد .. بكالوريوس تجاره - جامعة الازهر - قسم اقتصاد ... سنى 28 سنه .. من القاهره واحب اشكر الاخت العزيزه جيجى ...ربنا يجازيها كل خير على المجهود اللى بتبذله من أجل الدعوه ونشر الوعى الايجابي .. وأهم حاجه أشكرها على المدونه دى اللى اوكلت مسؤليتها ليا تحت اشرافها واسئل الله العون على أداء تلك الامانه على الوجه الامثل ..........
ثانيا ::: انا اول حاجه فكرت فيها ليه الشباب مكملوش فى المشوار اللى بدئته جيجى على المدونه .... فلقيت ان فى عوامل كتير جدا ممكن تكون السبب ومنها ::: * ظروف العمل مثلا ......
* عدم الحفظ وبالتالى الحرج من الظهور على المدونه
* الامتحانات .. ""بالنسبه للطلبه"" * سيطرة الشيطان على العقول والهائه لاصحابها "" لضعاف النفوس""

واسباب كتيره لكن دى اشهرها
على العموم يا جماعه لسه القطر مافاتش نقدر نجرى ونلحقه قبل مايغادر الرصيف .... فإنّا نفتقدكم جميعا ونحرص كل الحرص على ان نأخذ بأيدى بعضنا البعض الى ان نصل بفضل الله وعونه لرضا مولانا وخالقنا تبارك وتعالى "الم يأن للذين أمنو ان تخشع قلوبهم لذكر الله وما نزل من الحق" .... ان ضياء النفوس هو القرآن ..... شفاء الهموم هو القرآن ........ طمئنينة وسكينة النفس من المخاوف فى القرآن ....... غنى المال والصحة والولد والزوجه والدين ..فى القرآن ..... كل دنيانا واخرانا فى القرآن ................ فهلا اخذنا بايدينا وايدى اخواننا الى جنة القران ................ اخوانى واخواتى فى الله نصف ساعه كل يوم لعمرى افضل من مئات المباريات التى شاهدناها لساعات طوال وانتظرناها قبل موعدها لساعات اطول .......... فى انتظارردودكم ومشاركاتكم
اخوكم ابراهيم

الأحد، 14 سبتمبر، 2008

سلام عليكم ورحمه الله وبركاته
كل سنه وانتم طيبين والاهل كلهم طيبين
ياجماعه المدونه موجوده وتحت امركم بس انا كنت لاقيت ان مفيش حد بيتواصل معانا فسيبتها شويه ياريت
اللى ناوي يعتم معانا ونحفظ بجد سوا يقولى فى التعليقات ونبدا تانى بعد رمضان اعتقد ان كلنا حبين نقرا اكتر فى المصحف هذه الايام اكثر من الحفظ بس ندعى ربنا جامد اننا نحفظ كتابه العزيز اعظم الكتب وننوي بجد
ونبدا باذن الله بعد رمضان
سلام عليكم ورحمه الله وبركاته

الأحد، 20 يوليو، 2008

ملاحظات هااااااااااامه والتسميع القادم باذن الله.................

lhhkhسلام عليكم ورحمه الله وبركاته
يارب تكونوا كلكم بخير وحفظنا
يارب
ان شاء الله التسميع يوم الاربعاء
من الايه 1 الى الايه 59 من سوره البقره
طبعا ياريت اللى لسه بادئ يكلمنى ويكتب فى التعليقات وانا هنظم معاه يقولى بس هو فين
واللى ربنا كرمه وحافظ اكتر برده يكتب فى التعليقات واحنا ان شاء الله نكمل معاه من اخر حاجه حفظها وهنراجع اللى المحفوظ قبل كده باذن الله
نيجي لبعض الملاحظات واحنا بنحفظ
الربع الجديد اللى هو من اول الايه 44
هنلاقى من اول الايه 47 ربنا هيتكلم عن بنى اسرائيل وربنا سبحانه وتعالى هيبدا يعدد نعم ربنا عليهم
وهنلاقى من اول الايه 49 بدايه النعم لذلك هنلاقى ان معظم الايات بادئه ب قوله تعالى " واذ"
لان طبعا ربنا بيعدد النعم عليهم انا بقولوكم كده لتسهيل الحفظ لان ياريت حفظنا مايبقاش حفظ وفقط لكن فهم وبالتالى ياتى الحفظ
على فكره الشخص اللى لسه فى الدراسه هيلاقى ان القران الكريم بيساعده جدا على المذاكره
لان بيعلمك انك ماتحفظش وانت مش فاهم وبالتالى ممكن تنسى لكن تفهم وبعدها تحفظ لان برده هتحتاج الحفظ وطبعا ده بالنسبه مثلا للكليات اللى فيها مصطلحات ماينفعش اجيب معنى المصطلح ولكن لازم اذكر المصطلح نفسه وبالتالى الفهم مهم والحفظ ايضا اهم لان دي مش مصطلحات من بشر حطينها ولكن كلمات من رب العالمين يجب ان تحفظ كما هى
ربنا يكرمكم
طبعا اللى يلاقى اى نوع من الصعوبه فى الحفظ يقولى وجزاكم الله خير كثيرا
طلب كمان بتقل عليكم معلش اعلنوا عن المدونه فى مدوناتكم الشخصيه وقولوا لاصحابكم حتى الغير مستخدمى النت
بس نحس اننا عاملين صحبه عامه على النت لطاعه الله
وصحبه ايضا خاصه بين كل واحد واصحابه او اهله
ربنا يتقبل منكم يارب

الأربعاء، 16 يوليو، 2008

التسميع القادم

سلام عليكم ورحمه الله وبركاته
طبعا انا اسفه جدا انى اتاخرت مبدئيا كده انا قلت اي حد ياجماعه يحاول يشاركى لان اللى كانوا معايا مشغولين
ارجوكم ان شاء الله ثواب الموضوع ده كبير قوي
طيب نحاول نشد شويه واللى بيحفظ يدخل يسجل انه حفظ بعد اذنكم
ان شاء الله التسميع يوم الاحد 17 رجب
من اول سوره البقره الى الايه رقم43
يعني ربعين من سوره البقره
يلا معانا بمجهودكم وبحفظكم
ربنا يكرمنا يارب ويتقبل منا ومنك جميعا

الأحد، 6 يوليو، 2008

بسم الله نبدا

بسم الله نبدا
بسم الله الرحمن الرحيم
بدايه سنبدا وتتوالى التحديثات فى المدونه
طلب صغير قبلها من يجد فى نفسه القدره على المساعده باى شكل او ان يكون من القائمين على هذه المدونه يكون ثوابه عند الله وربنا يقدرنا على فعل الخير
باذن الله هنبدا صفحه من المصحف كل يومين

وبالتالى التسميع يوم الثلاثاء من الايه 1 من سوره البقره الى الايه16


ان شاء الله يوم التلاثاء كل واحد حفظ يدخل يسجل اسمه فى التعليقات وبما ان كل واحد غير مجبر اطلاقا على الحفظ فانشاء الله كلنا سيكون عندنا الدافع بدون مشكله
باذن الله هنزل الايات صوت ووتفسيرها ونضع مواقع تجويد تفيدنا باذن الله
جزاكم الله خيرا
وسابقوا الى مغفره من ربكم وجنه عرضها كعرض السماوات والارض
بعد اذنكم تقراوا البوست السابق هيفيدنا كلنا ان شاء الله
جزاكم الله خيرا كثيرا وهدانا لما فيه الخير
ومن يعرف علنا ناتى يوم القيامه زمرا ونقول نحن من حفظنا كتاب يالله سويا

السبت، 7 يونيو، 2008

فليكن صيفك ربيعا بحفظ القران الكريم

بسم الله الرحمن الرحيم
ان هذا القران يهدي للتى هي اقوم ويبشر المؤمنين الذين يعملون الصالحات ان لهم اجرا كبيرا
سوره الاسراء
نحن الان فى اجازتنا الصيفيه واعتقد معظمنا خلص امتحانات ويارب يكتب لينا كلنا ولكل طلبه المسلمين النجاح والتوفيق باذن الله
طيب فكر احدالمدونين ربنا يكرمه يارب وقال لم لانستغل هذه الفرصه لحفظ كتاب الله ودعونا نسمي هذا الصيف فليكن صيفك ربيعا بحفظ القران الكريم ونجعلها شعارا لنا هذا الصيف واستاذ طارق الغنام ربنا يباركله يارب هو من فكر فى هذا الشعار
طيب ليه نحفظ كتاب الله
1 رجاء للثواب ورضا الله عزوجل ومن منا لايطمع فى رضاه سبحانه وتعالى وخالق البشر وبيده مفاتح الرزق
2 تكفير لسيئات لايعلمها الا رب العباد
3 لنعرف ماذا قال الله فى كتابه العزيز وعندما يخطئ احد امامنا فى ايه من ءايات القران الكريم نعرف انه اخطا
للاسف يااخوانى من اخترعوا مايسمونه الفرقان الحق اعتمدوا على اننالن نعرف الفرق فهل لنا ان نكون من حفظه القران
4 من تجرا على كتاب الله وسولت له نفسه ان يعمل عمل يسوؤه هو هل لنا ان نرد عليه وان نحفظ هذا القران فى قلوبنا وعقولنا
5 لتلين قلوبنا خشيه من الله
بالله عليكم كيف تلين وهى حجاره او اشد قسوه من مشاكل الدنيا وعدم معرفه حلها من كتاب الله القران الكريم
6 معذره الى رسول الله صلى الله عليه وسلم بحفظ اعظم معجزه جاء بها فى كل كيان من اجسادنا وارواحنا
يعنى هذه قطره من غيث وانتظر منكم باقى الغيث وارجو المشاركه بارائكم كيف لنا ان نحفظ سويا
بالتكيد لدينا نحن اعضا المدونه تصور لما سيحدث ولكن احببنا ان نرسي مبدا الشورى بيننا يكفى ماتفعله حكومتنا بنا
ننتظر مشاركتكم واراؤكم وتصوراتكم
اعضاء المدونه